Zomato, Swiggy सारखे प्लॅटफॉर्म खरंच आपल्यासाठी फायदेशीर आहेत का? आपण कसे जोडू शकतो, आणि कसे पैसे कमवू शकता जाणून घेऊया

सुरुवात कुठून होते?
बहुतेक लोक असा विचार करतात
“मोठं हॉटेल नसेल तर Zomato वर काम मिळत नाही.” पण हे पूर्णपणे चुकीचं आहे.
आज अनेक लोक
घरच्या स्वयंपाकघरातून छोट्या चहाच्या टपरीतून गावातील मेसमधून ऑनलाइन ऑर्डर घेत आहेत. फरक फक्त एका गोष्टीत आहे
नियोजन.
सगळ्यात मोठी चूक लोक कुठे करतात? बहुतेक लोक आधीच मोठी तयारी करतात
बोर्ड
सजावट
खर्च
पण अ‍ॅपवर नोंदणी करताना अडकतात. कारण
FSSAI नसतो
फोटो चुकीचे असतात
मेन्यू नीट नसतो
यामुळे अनेक लोक मध्येच व्यवसाय सोडतात.
मग योग्य मार्ग कोणता? साधा मार्ग आहे
पहिले कागदपत्रे पूर्ण करा. मग एकाच प्लॅटफॉर्मवर सुरुवात करा. ऑर्डर समजून घ्या. रिव्ह्यू बघा. नंतरच दुसऱ्या अ‍ॅपवर जा. हा मार्ग वापरलेले लोकच आज टिकले आहेत. गावातील लोकांसाठी हा व्यवसाय का महत्त्वाचा आहे?
कारण आज गावात तीन समस्या आहेत
नोकरी नाही
शेतीवर खर्च जास्त
शहरात स्थलांतर
Zomato, ONDC सारखे प्लॅटफॉर्म गावासाठी नवी बाजारपेठ उघडतात.आता ग्राहक शोधायला शहरात जायची गरज नाही.
ग्राहक मोबाईलमधूनच येतो.
ONDC बद्दल थोडं वेगळं मत ONDC बद्दल खूप लोक बोलतात, पण सत्य हे आहे हा प्लॅटफॉर्म लगेच कमाई देत नाही.
पण जो माणूस आज सुरुवात करतो,
तो उद्या मोठा होऊ शकतो. कमिशन कमी आहे सरकारचा आधार आहे स्थानिक दुकानदारांना संधी आहे हा दीर्घकाळाचा व्यवसाय आहे.
हा व्यवसाय सगळ्यांसाठी आहे का?
नाही.
जर —
स्वच्छता पाळता येत नसेल
वेळेवर ऑर्डर देता येत नसेल
ग्राहकांशी नीट बोलता येत नसेल
तर हा व्यवसाय त्रासदायक होतो.
पण जर ,प्रामाणिकपणा ,संयम रोज शिकण्याची तयारी असेल तर हळूहळू स्थिर उत्पन्न तयार होतं.
शेवटचा विचार
Zomato, Swiggy किंवा ONDC
हे चमत्कार नाहीत. पण योग्य माणसाच्या हातात हे संधीचं साधन नक्कीच आहेत.
मोठं हॉटेल नसले तरी चालतं, मोठी गुंतवणूक नसली तरी चालते —
फक्त विचार स्वच्छ हवा.
✍️ हा लेख अनुभव, चर्चा आणि ग्रामीण वास्तवावर आधारित आहे.